Aktori turk Serhat Mustafa Kiliç është gjetur i vdekur në apartamentin e tij në lagjen Kağıthane të Stambollit.
Rrethanat e vdekjes së tij mbeten ende të paqarta, ndërsa deri më tani nuk është bërë i ditur zyrtarisht shkaku.
Sipas informacioneve të raportuara, partnerja e aktorit ishte shqetësuar pasi nuk kishte arritur të kontaktonte me të prej disa ditësh. Pasi kishte shkuar në apartament, ajo e kishte gjetur Kiliç të palëvizshëm në divanin e dhomës së ndenjes.
Aktori i njohur turk gjendet i vdekur në apartamentin e tij, partnerja e gjeti të pajetë
Aktori i njohur turk Serhat Mustafa Kılıç është gjetur i pajetë në banesën e tij në lagjen Kağıthane të Stambollit. Aktori ishte 51 vjeç, ndërsa autoritetet kanë nisur hetimet për të përcaktuar shkakun e saktë të vdekjes.
Alarmi është ngritur pasi partnerja e tij, Özlem E., nuk kishte arritur të kontaktonte me të prej disa ditësh. Ajo shkoi në apartamentin e aktorit dhe, pasi nuk mori përgjigje, hyri me çelësin që kishte në dispozicion. Kılıç u gjet i palëvizshëm në një kolltuk në dhomën e ndenjes.
Në vendngjarje mbërritën ekipet mjekësore dhe policia, të cilat konstatuan vdekjen e tij. Trupi i aktorit u dërgua në Institutin e Mjekësisë Ligjore për ekzaminimet që pritet të përcaktojnë shkakun përfundimtar.
Sipas dëshmisë së partneres së tij në polici, Kılıç kishte probleme të ndryshme shëndetësore dhe ajo deklaroi gjithashtu se ai vuante nga kanceri limfatik. Megjithatë, deri tani nuk është konfirmuar zyrtarisht se kjo sëmundje ka qenë shkaku i vdekjes.
Ndërkohë, janë publikuar edhe pamjet e fundit të aktorit përpara vdekjes. Kamerat e sigurisë e kanë regjistruar më 1 shtator duke u kthyer në banesë, ku ai shfaqet i lodhur dhe në disa momente mbështetet në mur teksa lëviz drejt apartamentit.
Serhat Mustafa Kılıç ishte një emër i njohur i teatrit, kinemasë dhe televizionit turk, ndërsa së fundmi ishte pjesë e serialit “Teşkilat”. Hetimet për rrethanat e vdekjes së tij vijojnë dhe pritet që ekzaminimet mjeko-ligjore të japin një përgjigje përfundimtare.
Leave a Reply