Urimi i Donaldit për 33-vjetorin e Borës Zemani pushton rrjetin

Moderatorja e njohur, Bora Zemani, feston sot ditëlindjen e saj, duke mbushur 33 vjet jetë. Me këtë rast, ajo ka marrë urime të shumta nga miq, kolegë dhe ndjekës, ndërsa një nga urimet më të veçanta ka ardhur nga partneri i saj, aktori Donald Veshaj.

Veshaj i ka shprehur publikisht dashurinë dhe urimet e tij për Borën.

“Edhe 100 vjet, partnere. Shpresoj që jeta t’i realizojë të gjitha ëndrrat që ke, se u lodha duke i dëgjuar ato shpesh. Të dua shumë, ta them aq shpesh sa që duhet të shpik një fjalë tjetër në këtë ditë të veçantë për ty”, ka shkruar Donaldi mes të tjerash.