Një lajm i bukur ka ardhur nga moderatorja Erna Geci, e cila është bërë nënë për herë të parë.
Lajmin ajo e ka ndarë vetë me ndjekësit në Instagram, duke publikuar fotografitë e para së bashku me bashkëshortin, Agon Asllani, dhe vajzën e tyre të porsalindur.
Ardhja në jetë e vogëlushes ka qenë një surprizë edhe për një pjesë të ndjekësve të Ernës. Ish-moderatorja kishte zgjedhur ta përjetonte shtatzëninë larg vëmendjes së rrjeteve sociale, pa e bërë publike pritjen e ëmbël gjatë muajve të kaluar.
Bashkë me fotografitë familjare, ajo ka zbuluar edhe emrin e veçantë që çifti ka zgjedhur për vajzën: Kaia Asllani.
“Dhe ashtu, e gjithë bota jonë ndryshoi përgjithmonë. Dashuria jonë më e vogël, bekimi ynë më i madh”, ka shkruar Erna në postimin ku prezantoi për herë të parë të bijën.
Erna Geci dhe Agon Asllani e kurorëzuan marrëdhënien e tyre me martesë disa vite më parë, ndërsa ardhja e Kaias shënon tashmë një kapitull të ri në jetën e çiftit.
Geci është një emër i njohur për publikun kosovar edhe për angazhimet e saj të mëparshme në televizion, ku ka punuar si prezantuese përpara se të largohej nga ekrani.
Në fotografitë e para si një familje prej tre anëtarësh, Erna dhe Agoni shfaqen pranë vogëlushes Kaia, duke zgjedhur pikërisht ardhjen e saj në jetë për të ndarë me publikun edhe lajmin që kishin ruajtur larg vëmendjes gjatë gjithë shtatzënisë.
Leave a Reply