Mungesa e Arbana Osmanit në programin “Post Ferma VIP” ka ngritur pikëpyetje të shumta mes ndjekësve të formatit, vetëm pak ditë pas përfundimit të finales së madhe.
Moderatorja, e cila drejtoi sezonin e fundit të spektaklit, nuk është shfaqur në emisionin pasues, i cili u prezantua nga Florian Agalliu.
Ky ndryshim nuk ka kaluar pa u vënë re nga publiku, pasi në formate të ngjashme televizive zakonisht është moderatori kryesor ai që vijon të jetë pjesë edhe e programeve pas finales.
Dyshimet janë shtuar edhe më tej nga mungesa e saj në festën e organizuar pas përfundimit të spektaklit, ku morën pjesë finalistët, ish-konkurrentët dhe pjesëtarë të tjerë të produksionit.
Një tjetër detaj që ka tërhequr vëmendjen e ndjekësve është postimi i bërë nga vetë Arbana në rrjetet sociale pas finales. Moderatorja publikoi disa momente nga eksperienca e saj në “Ferma VIP”, të shoqëruara me përshkrimin: “Kujtim i bukur.”
Pikërisht kjo frazë është interpretuar nga shumë ndjekës si një sinjal se kapitulli i saj në këtë format mund të ketë përfunduar.
Megjithatë, deri në këtë moment nuk ka asnjë konfirmim zyrtar nga Arbana Osmani apo nga produksioni i spektaklit lidhur me të ardhmen e saj.
Për momentin, gjithçka mbetet në nivel spekulimesh, ndërsa publiku pret të mësojë nëse moderatorja do të rikthehet në një sezon të ardhshëm të “Ferma VIP” apo në projekte të tjera televizive.
Leave a Reply