Damiano Agalliu, i njohur për publikun nga pjesëmarrja në edicionin e nëntë të “Big Brother Albania”, do të bëhet baba për herë të dytë.
Lajmin e ëmbël e ka ndarë vetë ai përmes llogarisë në Instagram, ku zbuloi gjithashtu edhe gjininë e bebes që po presin.
Nëpërmjet një seti fotografik mjaft të ngrohtë, ku shfaqet krah partneres dhe me djalin e tyre të parë mbi supe, Damiano ka konfirmuar se familja po zgjerohet me një vajzë.
Për të dhënë lajmin, ish-banori zgjodhi një mbishkrim shumë të veçantë duke shkruar: “Detyra e vëllait të madh po vjen… është vajzë.”
Postimi ka marrë menjëherë vëmendjen e ndjekësve, duke u mbushur me urime dhe komente pozitive për këtë kapitull të ri të jetës së tij.
Pas daljes nga reality show, Damiano ka treguar herë pas here momente nga jeta e tij e qëndrueshme familjare, e cila tashmë po përgatitet të presë anëtaren më të re.
Leave a Reply