Lajme të reja po qarkullojnë lidhur me të ardhmen e serialit shumë të ndjekur “Eşref Rüya”. Ndërsa sezoni aktual po i drejtohet finaleve të tij, pyetja që mundon të gjithë fansat është nëse ky projekt do të rinovohet për një sezon të tretë apo nëse do të përfundojë këtu.
Gazetarja e njohur turke, Birsen Altuntaş, e cila njihet për informacionet e saj të sakta brenda industrisë së televizionit, ka dhënë një përgjigje që sqaron situatën aktuale. Sipas saj, ende nuk ka një vendim zyrtar të prerë, pasi prodhimi dhe kanali po presin rezultatet përfundimtare.
Konkretisht, vendimi për vazhdimësinë e sezonit të 3-të do të merret duke u bazuar plotësisht në “rating-et” ose shikueshmërinë që seriali do të ketë drejt fundit të sezonit. Kjo do të thotë se performanca e audiencës në episodet e mbetura do të jetë faktori kyç që do të vulosë fatin e personazheve të Eşref dhe Rüya.
Për momentin, gjithçka mbetet në dorën e shikuesve. Nëse shifrat e shikueshmërisë mbeten të larta dhe qëndrueshme deri në fund, shanset për një sezon të tretë janë të mëdha. Në të kundërt, seriali mund të mbyllet me përfundimin e sezonit aktual.
Leave a Reply