Një ndër çiftet që është komentuar gjerë e gjatë, si në “Përputhen” po ashtu dhe në Big Brother Vip Albania, ka qenë padyshim Ina dhe Keijsi.
Disa besonin te dashuria e tyre, e disa të tjerë qëndruan skeptikë, mirëpo të dy “të zotët e punës” preferuan që t’i tregonin të gjithëve që ndjenjat e tyre janë të vërteta.
Mirëpo së fundmi, Ina është përballur me një të papritur. Ka qenë stafi i “Fun Club” ata të cilët kishin “gatuar” një kamer të fshehtë për ish-banoren e Big Brother Vip.
Krejt papritur asaj iu shfaq një video në emision, ku shihej partneri i saj teksa pranonte që ndjenjat për Inën nuk ishin të vërteta dhe se gjithçka ka qenë në “kuadër të lojës” dhe me qëllim fitimin e reklamave.
“E kam përdorur. Të shkojë sa të shkojë. Nuk më intereson për asgjë, secili e ka jetën e vet. Qëllimi ishte të kapnim reklamat, show është gjithçka. Marrëdhënia mbaron shumë shpejt ditët e sotme”, dëgjohet të thotë keijsi në atë video, ndërkohë që Ina nuk i besoi aspak këtyre pamjeve duke thënë disa herë se i beson partnerit të saj dhe se personi të cilin ka në krah nuk do e bënte asnjëherë këtë gjë.
“Unë jam e qetë. Eksperienca në Big Brother më ka mësuar mos i besoj çdo gjë që shoh dhe e dyta me sa e njoh unë Keijsin dhe ashtu si e ndjej unë nuk e di pse është ajo video, por unë nuk e besoj atë video. Keijsi që njoh unë nuk do i thonte ato fjalë. Unë kam një lidhje të ngushtë me Keijsin dhe Keijsi nuk është i aftë ta bëjë këtë gjë”, tha Ina, dhe rezultoi të kishte të drejtë pasi pak minuta më pas gjithçka u zbulua se ishte thjesht një “lojë” dhe Keijsi u shfaq në studio me një buqetë të madhe me lule për të.
Leave a Reply