Ish-banorja e “Big Brother VIP Kosova 3”, Lela Seferi, ka reaguar lidhur me situatat e fundit që kanë përfshirë Jonën, duke publikuar edhe një mesazh personal që kishte marrë nga ajo gjatë kohës sa ishte pjesë e këtij formati.
Përmes një postimi në rrjetet sociale, Lela ndau komunikimin me Jonën, në të cilin kjo e fundit i kishte shprehur simpatinë dhe mbështetjen, duke i thënë se do të mund të ishin shoqe edhe jashtë shtëpisë.
“Lelaaaaa, të dua. Do të bëhemi shoqe edhe në jetën e përditshme, je shumë e mirë! Mos u shqetëso për askënd”, ka qenë mesazhi.
Duke iu referuar zhvillimeve të fundit dhe sjelljeve të Jonës gjatë Prime-it të javës së kaluar, Lela pranoi se disa prej veprimeve të saj nuk i kishin pëlqyer, por theksoi se të dyja vajzat e përfshira në situatat e fundit janë lënduar shumë.
Ajo rikujtoi se mes tyre qëndrojnë dhjetë vjet me shumë urrejtje dhe përjetime, por sipas saj, koha kalon dhe njerëzit ndryshojnë.
Lela u shpreh se Jona duhet ta ketë mundësinë ta tregojë rrëfimin e saj dhe se publiku duhet ta njohë atë siç është sot, e jo vetëm përmes veprimeve apo historive të para dhjetë vjetëve.
Me këtë reagim, ish-banorja duket se ka kërkuar që situata të shihet edhe përtej përplasjeve të momentit, duke i lënë hapësirë Jonës të tregojë versionin e saj dhe ndryshimet që mund të ketë përjetuar ndër vite.
Leave a Reply