Një koment për emisionin e ri të Luiz Ejllit ka marrë përgjigje nga vetë këngëtari, ndërsa në rrjet po diskutohet nëse “Live me Luizin” duhet quajtur i tillë kur është i regjistruar.
Një ndjekëse i sugjeroi Luizit ta ndryshonte titullin e emisionit, duke i shkruar se më pas mund të bënte edhe kuize. Ai iu përgjigj se të ftuarit janë live me të dhe se edhe muzika interpretohet live, duke shtuar me ironi: “Mos deshe ta bëja tek salloni yt që të thoje qenka live?”
Debati nisi pas premierës së programit, kur në ekran u shfaq shënimi “episod i regjistruar”.
Kjo nxiti pikëpyetje te shikuesit, pasi emisioni titullohet “Live me Luizin”. Reagimi i Luizit sqaron se ai po u referohet të ftuarve dhe muzikës, por nuk e adreson drejtpërdrejt mënyrën e regjistrimit të episodit.
Në premierë, përveç Alketës Vejsiu, në studio u shfaqën edhe Eli Fara, Manjola Nallbani, Sinan Vllasaliu dhe Gjergj Leka.
Prania e Farës tërhoqi vëmendje, pasi këngëtarja ishte bërë pjesë e diskutimeve publike pas publikimit të videove intime dhe kishte deklaruar se nuk kishte pasur dijeni për kamerat. /Prive By LS
Leave a Reply