Deklaratat e fundit të Labinot Rexhës për Klodian Mihajn kanë rikthyer në vëmendje një prej raporteve më të komentuar gjatë “Big Brother VIP Kosova 4”, atë mes Klodit dhe Londrim Mekajt.
Labinoti pretendoi publikisht se Klodi e ka tradhtuar Elijonën me një mashkull, por pa treguar identitetin e personit për të cilin flet.
“Si nuk të vjen turp Klodian Mihaj me tradhtu një vajzë 19-vjeçe me një mashkull?”, shkroi Rexha.
Menjëherë pas kësaj, ish-banori paralajmëroi se do të publikonte të tjera informacione, këtë herë duke përmendur drejtpërdrejt Londrim Mekajn.
“Pritni bombën e radhës dhe për Londrimin, para se me hy në Big, me kon ka banu, me cilin mashkull!”, shkroi ai.
Pikërisht vendosja e këtyre dy deklaratave njëra pas tjetrës ka ngritur pikëpyetje në rrjet nëse Labinoti po tenton të krijojë një lidhje mes Klodit dhe Londrimit.
Dyshimet marrin shkas edhe nga historia e tyre brenda “Big Brother VIP Kosova 4”. Klodi dhe Londrimi u komentuan shpesh për afërsinë dhe kohën e madhe që kalonin së bashku, ndërsa raporti i tyre u bë disa herë temë diskutimi edhe jashtë shtëpisë.
Pas përfundimit të spektaklit, raporti mes tyre duket se ndryshoi. Vetë Londrimi ka pranuar se marrëdhënia me Klodin dhe Elijonën nuk është më si më parë dhe se mes tyre ka pasur një ftohje.
Për momentin, megjithatë, nuk ka provë publike që lidh Londrimin me tradhtinë e pretenduar nga Labinoti. As Klodi dhe as Londrimi nuk kanë konfirmuar pretendime të tilla, ndaj çdo lidhje mes dy deklaratave të Rexhës mbetet vetëm në nivel aludimi.
Leave a Reply