Moderatori i “Big Brother VIP Kosova”, Alaudin Hamiti, ka ndarë së fundmi disa detaje interesante me ndjekësit e tij në Instagram, duke paralajmëruar një finale të paharrueshme.
Një finale plot emocion
Gjatë një bashkëbisedimi me ndjekësit (Ask me a question), Alaudini u pyet nëse kjo finale do të jetë më ndryshe nga të gjitha finalet e formatit “Big Brother” në botë. Ai u përgjigj duke premtuar një finale shumë emocionuese.
“Finalja mendoj që do të jetë shumë, po shumë emocionuese,” u shpreh ai.
Skenografi speciale për natën e madhe
Përveç emocioneve, moderatori zbuloi se po punohet intensivisht në anën vizuale të spektaklit. Ai njoftoi se po përgatitet një skenografi e veçantë, e krijuar enkas për natën e 27 shkurtit, datë kjo kur do të kurorëzohet edhe fituesi i këtij edicioni.
Kujtojmë që kjo finale po pritet me kureshtje të madhe nga publiku, ndërsa paralajmërimet e moderatorit vetëm sa e kanë shtuar entuziazmin për atë që pritet të ndodhë në natën finale. /Prive By Liberta Spahiu
Leave a Reply