DJ Gimbo ka hapur zemrën para Selinit në një nga bisedat më emocionuese të zhvilluara së fundmi, duke rrëfyer një histori që pak kush e dinte: dramën e ndarjes së prindërve të tij dhe momentin kulminant që i dha fund gjithçkaje.
Gjatë këtij rrëfimi të ndjerë, Gëzim Blakaj, apo i njohur si (DJ Gimbo) ndau detajet e asaj nate që ndryshoi jetën e familjes së tij përgjithmonë. Ai tregoi se si një vizitë e thjeshtë e nënës tek gjyshja e tij, u bë shkak që raporti mes prindërve të shkëputej në mënyrë drastike.
Gimbo rrëfeu se nëna e tij kishte shkuar për të qëndruar një natë te nëna e saj, të cilën nuk e kishte parë prej një muaji. Por, ky veprim nuk u prit mirë nga i ati.
“Ka shku mami te gjyshja… babi e kish marrë veshë që mami u shku te nëna e vetë. Edhe kur vjen mami në shtëpi, i thotë që duhesh me dalë. Mami del edhe shkon te banesa e motrës në Istog,” tregoi ai, duke vënë në dukje se prindërit edhe pse jetonin në një çati, pothuajse nuk komunikonin më me njëri-tjetrin.
Lajmi për dëbimin e nënës e kishte gjetur Gimbos në Prishtinë, dhe tronditja ishte aq e madhe sa ai thotë se nuk mban mend asgjë nga rruga për në shtëpi. Ai u mundua të ndërhynte dhe të bindte të atin që të mos e shkatërronte familjen, sidomos duke pasur parasysh se janë shtatë fëmijë dhe gjyshër të shumë nipërve.
“I thashë babës mos u ngut se jemi shtatë fëmijë, i thashë mos u ngut. Më tha jo! As nuk e di qysh kam mrri në Prishtinë, as nuk e di qysh jam shku në Istog, kurgjo s’maj në mend,” u shpreh ai i përlotur.
Ky moment ka shënuar një plagë të thellë për DJ Gimbon, i cili pranoi se kjo ngjarje e çoi drejt depresionit. Dhimbja më e madhe për të ishte prishja e imazhit të familjes që ai kishte projektuar në kokën e tij për të ardhmen.
“Tërë kohën isha keq, rashë në depresion. I thojsha babait: je tu m’i prishë planet e jetës o shef. Kam mendu me pru një nuse në shtëpi ku e kam babën edhe nënën bashkë,” përfundoi ai, duke treguar se si kjo ndarje i ka shuar dëshirën për të pasur një shtëpi tradicionale me të dy prindërit prezentë. /Prive By Liberta Spahiu
@topchanneltvalbania Gimbo bisedon me Selin për historinë e familjes së tij
Leave a Reply