Pas përfundimit të Prime-it, Benita dhe Klodi kanë pasur një bisedë mjaft të sinqertë dhe të hapur. Benita nuk ka kursyer fjalët, duke i shprehur haptazi Klodit pëlqimin që ndjen për të.
Gjatë kësaj bisede, fokusi kaloi edhe te ish-partneri i saj prej pesë vitesh, Endri. Benita u shpreh e prerë për fundin e kësaj marrëdhënieje, duke thënë: “Për Endrin, e shkuar e harruar. Vonë i ka ra mend për mua.”
Ajo sqaroi se i kishte dhënë një mundësi të dytë në të kaluarën, por theksoi me bindje se mundësinë e tretë nuk do t’ia japë kurrë.
Nuk ka vonuar as reagimi indirekt i Endrit jashtë shtëpisë.
Përmes një postimi në Instagram, ai ka ndarë një sekuencë nga kënga e tij më e re me titull mjaft domethënës: “Ku janë premtimet?”.
Ky veprim po cilësohet si një mesazh i drejtpërdrejtë ndaj deklaratave të Benitës, duke marrë parasysh se gjatë surprizës që i bëri brenda BBVK, ai i kishte thënë se ka bërë një këngë që do lansohet brenda pak ditësh dhe është dedikim për të.
Duket se ndërsa Benita po kërkon të ecë përpara, e kaluara po vazhdon të “trokasë” përmes teksteve të këngëve dhe reagimeve në distancë.
Leave a Reply