Një foto e vetme ka mjaftuar që rrjeti të ziejë nga aludimet. Joz Marku, një nga emrat më “in” të momentit, shfaqet krah një vajze simpatike brune, në një pozicion që në shikim të parë tradhton afrimitet.
Të veshur “në sinkron” me të zeza dhe me komente zemrash në Instagram, natyrshëm lind pyetja: A është kjo partnerja e re e reperit?
Megjithatë, një analizë më e ftohtë e imazhit na çon drejt një skenari krejt tjetër.
Nëse vërejmë me kujdes sfondin e fotos, duket qartë logoja e një klubi nate çka tregon se dyshja nuk ndodhet në ndonjë arratisje romantike apo ambient privat, por në prapaskenat e një eventi.
Kjo detaj ndryshon gjithë kontekstin: fotoja ka shumë gjasa të jetë shkrepur pas ndonjë performancë, moment ky kur artistët shpesh ndajnë kohë për foto me fansa të zjarrtë apo stafet organizative.
Duke marrë parasysh axhendën tejet të ngjeshur të Jozit, i cili aktualisht është ndër më të kërkuarit në tregun muzikor me koncerte të njëpasnjëshme, prania e tij në ambiente të tilla është pjesë e rutinës së punës.
Suksesi i tij i kohët e fundit e vendos atë në qendër të vëmendjes kudo që shkel, ndaj afrimiteti në foto ka më shumë gjasa të jetë reflektim i euforisë së momentit pas koncertit, sesa fillimi i një romance të re.
Për momentin, duket se e vetmja “dashuri” e konfirmuar e Jozit mbetet muzika dhe publiku që e ndjek kudo.
Leave a Reply