Alvisa Qarri, ish-konkurrentja e njohur e programit të dashurisë “Përputhen”, është në pritje të ëmbël dhe së fundmi ka ndarë me ndjekësit e saj një nga momentet më emocionuese të këtij rrugëtimi: zbulimin e gjinisë së bebit.
Përmes një videoje të publikuar në llogarinë e saj në Instagram, e cila përmbledh momentet më të bukura nga festa e organizuar për këtë rast, Alvisa dhe partneri i saj kanë zbuluar me shumë gëzim se do të bëhen prindër të një vajze.
Festa e organizuar me detaje të kuruara, e mbushur me tullumbace të bardha dhe dekore ku mbizotëronin nuancat rozë dhe blu, kulmoi me zbulimin e madh që konfirmoi se ata janë në pritje të një vajze.
Krahas pamjeve ku çifti shfaqet duke u përqafuar plot emocion, Alvisa ka zgjedhur një mbishkrim mjaft të ndjerë për të ndarë lajmin me publikun: “Një princeshë po vjen në jetën tonë 🩷”.
Leave a Reply