Lajm i trishtë për familjen e këngëtares së njohur Rovena Stefa.
Përmes një postimi prekës në rrjetet sociale, këngëtarja ka njoftuar ndarjen nga jeta të babait të saj, Pandeli Stefa.
Në mesazhin e saj plot dhimbje, Rovena shprehet se humbja e babait e ka lënë të pikëlluar përgjithmonë. Ajo ka vlerësuar sakrificat e tij të mëdha për rritjen e fëmijëve dhe dashurinë e pakufishme që ai kishte për Kosovën, ku edhe dha frymën e fundit.
Familja ka bërë të ditur se ceremonia e varrimit do të mbahet ditën e nesërme, në orën 14:00, pranë varrezave të qytetit të Fierit. Rovena e mbylli dedikimin e saj me fjalët: “Të dua shumë shumë shumë, sa dashuria nuk njeh kufij”.
Pas publikimit të lajmit, kolegë të shumtë të artit dhe ndjekës të këngëtares kanë shprehur ngushëllimet e tyre të sinqerta për këtë humbje të madhe në familjen Stefa.
Ngushëllime!
Leave a Reply