Në festën e zhurmshme të ditëlindjes së Anisës, ku muzika dhe takimet mes ish-banorëve ishin kryefjala, Drenusha Latifi gjeti momentin për një bisedë të sinqertë për Prive By Liberta Spahiu.
Larg dramave apo deklaratave pompoze, ish-konkurrentja e BBVK3 bëri thjesht një skaner të situatës aktuale në shtëpi, duke treguar se e ndjek me vëmendje çdo lëvizje edhe tani nga jashtë.
Ajo nuk e fshehu simpatinë personale për Londrimin, të cilin e cilësoi si favoritin e saj absolut për energjinë që ka sjellë, por me një dozë realizmi pranoi se ai nuk ka gjasa të jetë fituesi final. Sipas Drenushës, faktori penalizues për të nuk është loja e dobët, por “paragjykimet” që fatkeqësisht ende diktojnë votat e publikut masiv.
Duke hequr Londrimin nga ekuacioni i çmimit të madh për këto arsye madhore, Drenusha e sheh garën reale si një duel të ngushtë mes dy pretendentëve të tjerë: Elijonës dhe Labinot Rexhës.
Ajo vlerësoi maksimalisht inteligjencën e mprehtë të Elijonës, por nuk la pa përmendur një detaj pikant, duke theksuar se shpesh ajo i “çon mallin e Drilonit” kur flet për perceptimin e jashtëm, çka lë të kuptohet për një lojë ndoshta tepër të kalkuluar.
Në fund, balanca e saj anon paksa drejt Labit, të cilin e sheh si më të organizuarin e grupit për momentin. Mbetet për t’u parë nëse parashikimet e saj të bëra mes gotave të verës do të dalin të sakta në javët në vazhdim. /Prive By Liberta Spahiu
@prive.libertaspahiu Drenusha për Elionën: Super inteligjente por ma çon pak mallin e Drilonit, fitorja mes këtyre dy banorëve #bigbrothervipkosova ♬ original sound – Prive by Liberta Spahiu
Leave a Reply