Këngëtarja e njohur Ryva Kajtazi ishte e ftuara e radhës në emisionin “Zanat”, ku befasoi në studio, duke shkuar e veshur me dallamë elegante, duke përfaqësuar traditën dhe nuset e dikurshme.
Mirëpo, vëmendjen kryesore nuk e mori vetëm veshja e këngëtares, por ndërveprimi i saj me moderatoren Zana Avdiu, e cila njihet për qëndrimet e saj kritike ndaj veshjeve tradicionale të nuseve.
Gjatë bisedës, Ryva Kajtazi arriti të bëjë atë që pak kush e priste: ajo e bindi Zanën që të provonte dhe të vishte një dallamë drejtpërdrejt gjatë transmetimit.
Ky moment u konsiderua si një arritje e këngëtares mbi opinionisten, duke marrë parasysh se Zana Avdiu në të kaluarën ka bërë thirrje të forta kundër këtyre veshjeve, madje u bëri thirrje nuseve të mos i veshin dallamat.
Situata u prit me shumë habi nga ndjekësit, pasi Zana, pavarësisht rezistencës së saj të dikurshme, u shfaq duke buzëqeshur me veshjen tradicionale mbi supe.
Ky ndryshim i papritur i pozicionit të Zana Avdiut ka nxitur diskutime të shumta në internet. Ndërsa disa e panë si një shenjë tolerance dhe sportiviteti, të tjerë e interpretuan si një moment ku Ryva Kajtazi arriti të “zbusë” bindjet e forta të opinionistes përmes sharmit dhe argumenteve të saj për traditën shqiptare. /Prive By Liberta Spahiu
Leave a Reply