Tensionet në shtëpinë e “Big Brother VIP Kosova” kanë degraduar në një sulm fizik që ka shkaktuar zemërim të gjerë.
Protagonistë të incidentit të paprecedentë janë bërë Klodi dhe Labinot Rexha.
Në një moment tensioni, Klodi ka ndërmarrë një veprim ekstrem duke i hedhur pije energjike në fytyrë Labinotit, ndërkohë që ky i fundit ndodhej i pambrojtur, i shtrirë në krevat.
Pamjet kanë bërë xhiron e rrjetit, duke ngritur pikëpyetje të forta mbi sigurinë brenda shtëpisë.
Reagimi i familjes së Labinotit ka qenë i menjëhershëm dhe i ashpër. Përmes një deklarate zyrtare në Instagram, ata e kanë cilësuar veprimin jo vetëm bullizues, por të rrezikshëm për shëndetin fizik të banorit.
“Hedhja e pijeve energjike në fytyrë, sidomos në zonën e syve, është një veprim i papranueshëm”, thuhet në reagim.
Familjarët kanë kërkuar publikisht nga produksioni dhe “Vëllai i Madh” që të mos e tolerojnë këtë precedent të rrezikshëm dhe të marrin masa disiplinore të menjëhershme (përjashtim) ndaj Klodit për cënim të integritetit fizik.
Leave a Reply