“Kam mbi 6 vite pa dalë më një mashkull”, ish-konkurrentja e Përputhen, Shqipe Hysenaj habit me përgjigjen

Shqipe Hysenaj, ish-konkurentja e Për’Puthen, ka habitur me përgjigjen e saj, pas një diskutimi për marrëdhëniet dashurore. E pyetur për “princin e kaltër” gjatë emisionit “Live From Tirana”, ajo është shprehur se edhe pse ka shumë kërkesa për tu martuar, është ende pa një partner në krahë.

”Unë njohjet i kam shumë siklet. Kam kohë pa dalë me dikë… mund të kem mbi 6 vite pa dalë me dikë. Kam shumë siklet. Pa e takuar fare…”, u shpreh ajo.

Edhe pse habiti me përgjigjen e saj, ajo tregon se për të nuk është problem qëndrimi kaq i gjatë, duke treguar se nuk është e etur për dashuri.

“6 vite për mua nuk janë asgjë. Për mua, mund të rrijë kushdo shumë mirë, edhe pa puthje, pa përqafime, deri sa të gjejë një person që i lëviz diçka në shpirt, në zemër, në mendje. Njeriu mund të rrijë edhe shumë më tepër, madje gjithë jetën e vet. Ne nuk jemi kafshë. Logjika ime është shumë e prerë. Nuk jam shumë e etur për të takuar dikë. Po erdhi, mirë, po nuk erdhi… Unë dua pak punë në fillim. Dua një mendje të shëndoshë nga dikush”, deklaroi ajo.

Gjatë intervistës në emisionin “Live From Tirana”, në Top Albania Radio, Shqipja është shprehur e shokuar për ato çka kishte dëgjuar për të shkuarën e saj.

“Diçka që më ka bërë më tepër përshtypje, është që kam dëgjuar që Parashqevi Simaku ka qenë një nga ato persona që u merrte burrat të tjerave. Po të flas çfarë kam dëgjuar. Unë jam shokuar kur e mora vesh. Kështu ajo ka mbetur rrugëve. Unë nuk e besova, mendova që është femër e bukur, ka pasur karrierë… Po, ka pasur karrierë deri në momentin që familjet nisën të mos e merrnin më. Se shqiptarët e Amerikës flasin me njëri-tjetrin shumë, çfarë di unë, di dhe ti.

Më kanë thënë që ka ndodhur shumë herë. Nuk po flas për pjesën e artistes, po them për thashethemet që kam dëgjuar. Këtë nuk e dinë shqiptarët që kanë emigruar tani, që kanë 1-2 apo 5 vite, po flas në kohën e atëhershme që ka bërë bujë. Merrej nëpër dasma, deri në momentin që nuk u mor më dhe u zhduk. Nuk është e bukur ta thuash, edhe unë nuk e pata të bukur ta dëgjoja”, deklaroi ajo.