Dasma madhështore e prezantueses Cindy Marina me Genar Topallin, djalin e ish-kryeparlamentares Jozefina Topalli, e mbajtur në Romë, është kthyer në ngjarjen më të komentuar të ditëve të fundit.
Ceremonia përrallore me luks dhe të ftuar VIP pushtoi rrjetet sociale, duke sjellë reagime të shumta dhe qindra komente nga publiku.
Por në hije të kësaj dasme, në qendër të vëmendjes u vendos edhe moderatorja sportive Eva Murati, ish-partnerja e Genar Topallit. Një video e saj që u bë virale në TikTok ndezi një debat të zjarrtë, ku ndjekësit aluduan për xhelozi dhe disa prej tyre sugjeruan se Eva do të kishte dashur një dasmë të tillë luksoze. Reagimi i saj nuk vonoi dhe ishte i drejtpërdrejtë:
“Nuk dua që miliona shqiptarë të më dëshirojnë vdekjen sepse po mburrem me para që mund të jenë të vjedhura nga fondet publike. E di që më ndjek çdo ditë, por ta bësh këtë një ditë pas dasmës tënde është më shumë se patetike.”
Deklarata e fortë bëri bujë të menjëhershme, por moderatorja vendosi të sqarojë edhe një herë publikun, këtë herë për “Live From Tirana”.
Në një mesazh drejtuar moderatorit Ronaldo Sharka, ajo theksoi:
“Besoj se shumë njerëzve iu ka ardhur si bombë pasi nuk është në natyrën time të shkruaj kështu apo të merrem me deklarata të tilla. Më vjen keq për gjithë këtë sepse rashë totalisht në kurth. Ishte një përgjigje e kthyer pas provokimeve të njëpasnjëshme në anglisht nga e njëjta adresë dhe për t’ia mbyllur gojën u krijua kjo situatë e pakëndshme. E them me bindje kurth, sepse gazetat e morën në mënyrë të njëpasnjëshme komentin gjë që nuk kishte ndodhur më parë. Fatkeqësisht dhe padashur, u bëra pjesë e një telenovele që realisht nuk dua të jem pjesë. Jetë të lumtur për të gjithë!”
/Prive By Liberta Spahiu
Leave a Reply