Drejtori ekzekutiv i Teslës, Elon Musk,kompania e të cilit vlen më shumë se 380 miliardë dollarë, ka humbur vendin e tij si njeriu më i pasur në botë në favor të një sipërmarrësi tjetër të madh të teknologjisë.
Larry Ellison, bashkëthemeluesi 81-vjeçar i Oracle, tani vlen plot 393 miliardë dollarë, pas raportimit të fitimeve tremujore më të larta se pritshmëritë këtë javë nga kompania e softuerit, sipas Bloomberg. Ellison aktualisht shërben si kryetar i kompanisë dhe drejtues i teknologjisë.
Pasuria në rritje e Ellison është rritja më e madhe në një ditë që është vërejtur ndonjëherë në Indeksin e Miliarderëve të kompanisë, raporton media.
“Ne nënshkruam katër kontrata me vlerë shumë miliarda dollarë me tre klientë të ndryshëm në tremujorin e parë,” tha drejtori ekzekutiv i Oracle, Safra Catz, në një deklaratë lidhur me raportin e fitimeve tremujore.
“Si një parathënie, ne presim që të ardhurat nga Oracle Cloud Infrastructure të rriten me 77% deri në 18 miliardë dollarë gjatë këtij viti fiskal – dhe pastaj të rriten në 32 miliardë, 73 miliardë, 114 miliardë dhe 144 miliardë gjatë katër viteve të mëvonshme,” vazhdoi Catz.
Si Musk, edhe Ellison, 81 vjeç, ka marrë pjesë në politikën republikane, duke dhuruar dhjetëra miliona për një organizatë që mbështet senatorin republikan të Karolinës së Jugut, Tim Scott, i cili nuk arriti të fitojë nominimin presidencial republikano për vitin 2024.
Ai gjithashtu ka dhuruar më parë miliona për një organizatë politike që mbështeste kandidaturën presidenciale të Mitt Romney në vitin 2012.
Djali i Ellison, David, u bë kryetar dhe drejtues ekzekutiv i Paramount këtë verë pas bashkimit të kompanisë me Skydance Media në gusht.
Në korrik, Ellison vetë njoftoi se familja e tij kishte themeluar Institutin e Teknologjisë Ellison në bashkëpunim me Universitetin e Oksfordit.
Misioni i tij, shkroi në X, është “të zgjidhë disa nga problemet më sfiduese dhe të qëndrueshme të njerëzimit.”
/Prive By Liberta Spahiu
Leave a Reply